શેંભર ઍક પર્યટન

સેંભર એક પર્યટક 

વડગામ તાલુકા નું શેભર ધામ જે ગોગ મહારાજ ના મંદિર તરીકે વિખ્યાત છે તે ઉપરાંત આ સ્થળે ઘણા જોવાલાયક ફરવા લાયક રજા નો સમય નીકળે અને કુદરતી સાનિધ્ય માં રહી શકીએ તેવા વિસ્તારો આવેલા જે નીચે મુજબ છે ગૂગલ મેપ લોકેશન લિંક તેમજ અમુક ફોટોગ્રાફ મુકેલ છે.

લવારખાન નું ઝરણું 

આ ઝરણું સેંભર ના જૂના ગોગ મહારાજ ના મંદિરથી નવા ગોગ તરફ જતા રસ્તા પર ઉગમણી દિશાએ આવેલ પર્વત ના નીચે આવેલ છે જે ઉપરોક્ત નામ થી ઓળખાય છે અન અહીંયા ચોમાસા દરમિયાન સામાન્ય પાણી ચાલુ જ રહે છે. જે પાણી સાથે આખા સેંભર ની તમામ પર્વતોની પાણી ભેગું થઈ ને શેરપુરા નદી માં જ્યાં જોયયણ નદી સરસ્વતી સાથે સંગમ થાય છે ત્યાં આ પાણીનો પણ સંગમ થાય છે

ગાગર બેડું 

આ સ્થળે ઘડી બે ઘડી બેસીને સમય નિહાળવા લાયક છે જ્યાં પથ્થર પર પથ્થર ગોઠવાયો છે જે ગાગર પર બેડું મુકેલ હોય એમ જેથી આ વિસ્તાર ને ગાગર બેડું તરીકે ઓળખાય છે.

પહાડખાનજી ની ઘોડાલ 

વધુ વિગત મળ્યેથી મુકીશું

ચામુંડા માતાનું મંદિર

વધુ વિગત મળ્યેથી મુકીશું

શહેનશાહ વલી ની દરગાહ

આ સ્થળે શહેનશાહ વલી ની દરગાહ આવેલી છે જે રમણીય સ્થળ છે 

રાખેશ્વર મહારાજ પર્વત 

આ સ્થળે પર્વત ની ટોચ આવેલી છે જ્યાં પર્યટકોને નિહાળવા અને ઘડી બેસી ફોટોગ્રાફી કરી શકે તેવું સ્થાન છે.

રખેશ્વર મહારાજ ની સમાધિ સ્થળ

આ સ્થળે સેંભર ના શ્રી 1008 રખેશ્વાર મહારાજ ની સમાધિ સ્થળ આવેલ છે. જે સ્થળે થી મોકેશ્વર ડેમ સુધી નું સીધી નઝરે દ્રશ્યમાન થાય છે અને ત્યાં એક નાની ગુફા પણ આવેલી જેમાં પૂજારી શ્રી ની બેઠક રહે છે.

સેંભર પર્વત ફોટોગ્રાફી પોઇન્ટ

આbસ્થળે બેસી ફોટોગ્રાફિક કરી શકો તેવી જગ્યા છે .

નવા ગોગ મહારાજ નું મંદિર

આ સ્થળે નવા ગોગ મહારાજ ના મંદિર નું નિર્માણ કરવામાં આવેલ છે જ્યાં લોકો દર્શન કરવા આવે છે અને અહી ધર્મશાળા ઉપરોક્ત વિવિધ સુવિધાઓ છે.

જૂના ગોગ મહારાજ નું મંદિર

આ સ્થળે પ્રાચીન ગોગ મહારાજ નું મંદિર આવેલ છે જ્યાં લોકો દર્શને આવે છે અને ત્યાં ધર્મશાળા ઉપરોક્ત તમામ વ્યવસ્થાઓ છે 

બુદ્ધ પૂર્ણિમા એટલે શું ?

 

બુદ્ધ પૂર્ણિમા એટલે શું ?

                       વૈશાખ મહિનાની પૂર્ણિમાને બુધ્ધ પૂર્ણિમાના (Buddha Purnima) નામે ઓળખવામાં આવે છે. આ પૂર્ણિમાનું બૌદ્ધ ધર્મમાં ખૂબ જ વિશેષ મહત્વ રહેલું છે. વૈશાખની પૂર્ણિમાને ગૌતમ બુદ્ધના જન્મ, જ્ઞાનપ્રાપ્તિ અને મૃત્યુનું પ્રતિક માનવામાં આવે છે. આથી બૌદ્ધ અનુયાયીઓમાં આ તિથિનું ખૂબ જ મહત્વ રહેલું છે. આગામી 23 તારીખે બુદ્ધ પૂર્ણિમા ઉજવવામાં આવશે.

              બુદ્ધ પૂર્ણિમા બૌધ્ધ પરંપરામાં એક મહત્વપૂર્ણ તહેવાર છે, જે આખા દક્ષિણ, દક્ષિણ-પૂર્વ અને પૂર્વ એશિયામાં મનાવવામાં આવે છે. આ તિથી રાજકુમાર સિદ્ધાર્થના જન્મની યાદી કરાવે છે કે પાછળથી મહાન ગૌતમ બુદ્ધ બન્યા. જેમણે ભારતની ધરતી પર બૌદ્ધ ધર્મની સ્થાપના કરી. બૌદ્ધ પરંપરા અને પૌરાણિક શોધો અનુસાર ગૌતમ બુદ્ધનો જન્મ લગભગ ઈસ પૂર્વે 563-483માં લુંબિની નેપાળમાં થયો હતો. તેમના માતાનું નામ માયાદેવી અને પિતાનું નામ શુદ્ધોધન હતું. આમ વૈશાખી પૂર્ણિમાના દિવસને ભગવાન બુદ્ધની જન્મતિથીનું વિશેષ મહત્વ રહેલું છે.

બુદ્ધ પૂર્ણિમાનું મહત્વ :

                બુદ્ધ પૂર્ણિમાનું એક આગવું મહત્વ રહેલું છે. કારણ કે આ ભગવાન બુદ્ધના જીવનનું સ્મરણ કરાવે છે, તેમના ઉપદેશનો ઉત્સવ મનાવે છે, સાંસ્કૃતિક એકતામાં વધારો કરે છે અને વર્તમાન સમયમાં પણ તેમના ઉપદેશની રહેલી પ્રાસંગિકતા પર પ્રકાશ પાથરે છે. બુદ્ધ પૂર્ણિમા આખા વિશ્વમાં મનાવવામાં આવે છે.

                    બુદ્ધ પૂર્ણિમા સાંસ્કૃતિક એકતામાં વધારો કરે છે, તે ભગવાન બુદ્ધના જીવનની સ્મૃતિમાં મનાવવામાં આવે છે. ભગવાન બુદ્ધને ઐતિહાસિક પુરુષ માનવામાં આવે છે અને વિશ્વ પર તેમાં ઉપદેશોએ મહત્વપૂર્ણ પ્રભાવ પાડ્યો છે. આ દિવસ બૌદ્ધો માટે ભગવાન બુદ્ધના ઉપદેશની વર્તમાન સમયમાં રહેલી પ્રાસંગિકતા પર વિચાર કરવાનો અવસર છે.

                 આ દિવસને ‘ત્રણ વખતનો ધન્ય તહેવાર’ કહેવામાં આવે છે, કારણ કે આજના દિવસે ત્રણ મહત્વપૂર્ણ બાબતો ભગવાન બુદ્ધના જન્મ, તેમની જ્ઞાનપ્રાપ્તિ અને તેમના નિર્વાણનો ત્રિવેણી સંગમ થાય છે.

વડગામ પોલીસ દ્વારા બેંકના એટી એમ બદલીને છેતરપિંડી કરનાર રીઢા ગુનેગારને રકમ ₹3,33,825નો મુદ્દામાલ રિકવર કરી ૨૭ થી વધુ ગુના ઉકેલી ગણતરીના દિવસોમાં આરોપીને પકડી પાડતી વડગામ પોલીસ.

વડગામ પોલીસ દ્વારા બેંકના એટી એમ બદલીને છેતરપિંડી કરનાર રીઢા ગુનેગારને રકમ ₹3,33,825નો મુદ્દામાલ રિકવર કરી ૨૭ થી વધુ ગુના ઉકેલી ગણતરીના દિવસોમાં આરોપીને પકડી પાડતી વડગામ પોલીસ

તારીખ 10 5 2024 ના રોજ વડગામ ખાતે આવેલા  બેંક ઓફ બરોડાના એટીએમ માં ફરિયાદી ઘેમરપુરી શંભુપુરી ગૌસ્વામી પૈસા ઉપાડવા ગયેલા ત્યારે એટીએમમાં હાજર અજાણ્યા ઇસમે પૈસા ઉપાડવામાં મદદ કરવાના બહાને ફરિયાદીના એટીએમ કાર્ડનો પાસવર્ડ જાણી લઈ તેમનું એટીએમ બદલી નાખી ફરિયાદીના ખાતામાંથી 52,749 ઉપાડી લઈ છેતરપિંડી કરતા વડગામ પોલીસ સ્ટેશન અજાણ્યા સામે ગુનો નોંધવામાં આવેલો

આ અનુસંધાને વડગામ પીએસઆઇ શ્રી એન વી રહેવર પોલીસ  ઇન્સ્પેક્ટર વડગામ દ્વારા ગુના શોધી કાઢવા માટે હેડ કોન્સ્ટેબલ યાજ્ઞિક કુમાર તથા હેડ કોન્સ્ટેબલ ચેન સિંહ દ્વારા અલગ અલગ ટીમોનો ગઠન કરી કરી હતી અને જે ટીમો એ ટેકનિકલ એનાલિસિસ તથા હ્યુમન સોસીસ દ્વારા તપાસ હાથ ધરતો વડગામ તેમજ પાલનપુરના 100 થી વધારે સીસીટીવી કેમેરા ચેક કરી એટીએમ કાર્ડ બદલી કરનાર બાબતે મહત્વની માહિતી એકત્રિત કરવામાં આવી હતી તેને આધારે ઉપરોક્ત ઈસમ મોહમ્મદ સોહીલ લાલ મહમદ મેમણ મુસલમાન રહે અમદાવાદ જુહાપુરા તથા ફતેવાડી સરખેજ મૂળ રહે પોશીના મેન બજાર વાણીયા શેરી પેટા સાપરા તાલુકો પોશીના જિલ્લો સાબરકાંઠા ની ઝડપી લેવામાં આવ્યો હતો

ઝડપાયેલા ઈસમ પાસેથી તપાસ કરતો અલગ અલગ વ્યક્તિઓના અલગ અલગ બેંકોના 209 થી વધારે એટીએમ કાર્ડ મળી આવતા તેને તપાસથી કબજે લેવામાં આવેલ છે

આ આરોપી 5,56,400 છેતરપિંડી કરી મેળવેલ હોવાનું તથા મોટાભાગની રકમ પોતાના સગાના બેંક ખાતામાં ટ્રાન્સફર કરાવેલ હોય તેમ ના તથા 209 એટીએમ કાર્ડ સંબંધી વધુ તપાસ હાથ ધરવામાં આવી છે

પકડાયેલ ઈસમ

,...................

મોહમદ સોહીલ લાલ મોહમ્મદ મેમણ મુસલમાન રહી અમદાવાદ જુહાપુરા ત્રણ બત્તી સ્ટેન્ડ નુરી મસ્જિદની બાજુમાં અલફલા સોસાયટી મકાન નંબર 204 તેમજ અમદાવાદ કોહિનૂર ફ્લેટ નંબર 701 ફતેવાડી સરખેજ મૂળ રહે પોશીના મેન બજાર વાણીયા શેરી પેટા સાપરા તાલુકો પોશીના જીલ્લો સાબરકાંઠા

કબજે કરેલ મુદ્દામાલ

..............................

અલગ અલગ બેંકના 209 એટીએમ

(૧)એસબીઆઇ બેન્ક 47

(૨)બેન્ક ઓફ ઇન્ડિયા 18

(૩)યુનાઇટેડ બેંક 15

(૪)આઈ સી આઈ સી 20

(૫)એચડીએફસી 14

(૬)બનાસ બેંક 09

(૭)બેંક ઓફ બરોડા 21

(૮)એક્સિસ 12

(૯)કોટક 08

(૧૦)તેમજ અલગ અલગ બેંકોના 54

(૧૧)મારુતિ સુઝુકી વેગેનાર GJ07BN 0821કિંમત રૂપિયા એક લાખ

(૧૨)રોયલ એનફિલ્ડ બુલેટGJ01VZ1786 નંગ એક કિંમત એક લાખ

(૩)સુઝુકી કંપનીનું બર્ગન મોટર સાયકલGJ1H6786 નંગ 1 કિંમત 1,00,000 તથા રોકડ 18000

(૪)ડી માર્ટ પાલનપુર થી ખરીદેલ વસ્તુઓ 25 કેજી ચોખા બે નંબર એક કિંમત 3900

(૫)ડી માર્ટ પાલનપુર થી ખરીદેલ 15 કિલો તેલનો ડબ્બો એક રૂપિયા 1925

(૬)માવેલ જ્વેલર્સ અમદાવાદ થી ખરીદેલ સોનાની ચેન વજન 20.710 ગ્રામ કિંમત 1,20,843 બિલ નંગ એક

(૭)સોનાની બાલી વજન 4.340 ગ્રામ કિંમત 26,911 નું એક બિલ

(૮)વિજય સેલ્સ અમદાવાદ ખરીદીલ વિવો કંપનીનો મોબાઇલ 10,313 રૂપિયા બિલ એક

(૯)વિજય સેલ્સ અમદાવાદ વોલ્ટાસ એસી કિંમત 33,390 બિલ 1

(૧૦)મુથૂટ ફાઇનાન્સ અમદાવાદ મેળવેલ ગોલ્ડ લોન 1,30,550 ની રીસીપ

પરિવારોને કરાવેલ વિદેશની (૧૧)ટુર રીસીપ્ટ  5

(૧૨)બેંકમાં કેસ રૂપિયા જમા કરાવેલ પાસબુક નંગ 3

(૧૩)ઓપો કંપની નો મોબાઇલ એક કિંમત રૂપિયા 10,000

(૧૪)અલગ અલગ બેન્કની ચેકબુક નંગ 2 

(૧૫)સંદેશ દૈનિક ન્યૂઝ પેપર પ્રેસ રિપોર્ટર કાર્ડ એક

કુલ મુદ્દા માલ ₹3,33,825 કબજે કરેલ

શોધી કાઢેલ ગુનાઓ

............................

વડગામ, દોતા, છાપી, પાલનપુર સીટી પૂર્વ ,પાલનપુર સીટી પશ્ચિમ ,માં નોંધાયેલા અલગ અલગ ગુના.

આચરેલા ગુનાઓ...

.............................

(૧) પાટણ એ એસ.બી. આઇ એટીએમ થી એટી એમ બદલી અને રકમ ઉપાડી 10,000

(૨)દોતીવાડા એસબીઆઇ 16,500

(૩)ડીસા બનાસ બેંક 3200

(૪)વાવ બનાસ બેંક 9,000

(૫)છાપી બનાસ બેંક 3,000

(૬)વડગામ બનાસ બેંક 28000

(૭)અમદાવાદ કોટક મહિન્દ્રા 50,000

(૮)સિધ્ધપુર આઈ ડી બી આઈ 9000

(૯)વિજાપુર એસબીઆઈ 3100

(૧૦)ઊંઝા એસબીઆઇ 2000

(૧૧)વડનગર એસ બી આઈ 10,000

(૧૨)સિધ્ધપુર એસ બી આઈ 2300

(૧૩)કાણોદર એસબીઆઈ 40000

(૧૪)રતનપુર મેરવાડા એસ બી આઈ 2000

(૧૫)મહેસાણા એ એસ બી આઈ 2,21,000

(૧૬)માણસા એસબીઆઇ 500

(૧૭)સિધ્ધપુર બેંક ઓફ બરોડા 1000

(૧૮)સિધ્ધપુર યુનિયન 55000

(૧૯)જલોત્રા તેમજ વડગામમાં અલગ અલગ 80000

અન્ય જગ્યાએ થી જેમાં

.................................... ભાભર ,ડીસા ,વાવ ,પાલનપુર, ઊંઝા ,વડગામ, ખેરાલુ ,દોતા સિધ્ધપુર, રાધનપુર ,ચાણસ્મા ,પાટણ, વડનગર ,ગાંધીનગર ,વગેરે થી કાર્ડ બદલી એને  રકમ ઉપાડેલ છે

ગુનાહિત ઇતિહાસ

............................

થરાદ ,હિંમતનગર ડિવિઝન, ખેડબ્રહ્મા ,વડાલી, વગેરે વિસ્તારોમાં અલગ અલગ ગુનાઓ અલગ અલગ કલમો દ્વારા પ્રવૃત્તિઓમાં સંડાવેલ છે

તપાસ કરનાર અધિકારી તથા કર્મચારી

......................................

(1) શ્રી એન વી રહેવર વડગામ પોલીસ સબ ઇન્સ્પેક્ટર

(2) શ્રી યાજ્ઞિક કુમાર હેડ. કો. વડગામ

(3) શ્રી ચેનસિંહ બી. હેડ કો. વડગામ

(4) શ્રી કરમસિહ એમ એ.એસ.આઇ વડગામ

(5) શ્રી કરણસિંહ આર પો. કો. વડગામ

(6) શ્રી સંજય કુમાર એલ પો. કો. વડગામ

(7) શ્રી હેમંતકુમાર એ પો. કો.વડગામ

(8) શ્રી વિજય કુમાર બી. હેડ કો.વડગામ

(9) શ્રીગજેન્દ્રકુમાર એન ડ્રાઇવર વડગામ પોલીસ સ્ટેશન

Which farming method is suitable and beneficial for all farmers?

Which farming method is suitable and beneficial for all farmers?

Natural Farming

Organic Farming

Chemical Farming

Create an Online Poll

વીર શહીદ સિંધી સોરમખાનજી ✍🏻 - મલિક શાહભાઈ દસાડા

વીર શહીદ સિંધી સોરમખાનજી

ગામ. મોરિયા. તા. વડગામ જી. બનાસકાંઠા

✍🏻 - મલિક શાહભાઈ દસાડા

       વિશ્વની બીજા નંબરની સૌથી લાંબી પર્વતીય શૃંખલા અરવલ્લીના ડુંગરાઓના છેડે ધાણધાર વિસ્તારમાં પાણિયારી તથા જલોત્રાના ડુંગરાઓ વચ્ચે એક કુદરતી સરોવર રચાયેલું છે. આ સરોવર છલોછલ ભરાઈ ગયા બાદ ઉપરથી વહેતું પાણી ધોધ રૂપે પડીને પાણીયારી(મુમનવાસ)ને અનેરું સૌંદર્ય બક્ષે છે. ત્યાંથી જોયણ નામની નદી દ્વારા એની આગળની મંઝિલ તરફ પ્રયાણ કરે છે. નાનકડી બાળકી ખેલતી કૂદતી રમતે ચડી હોય એમ આ જોયણ નદી કિલકીલાટ કરતી મુમનવાસની પડખે થતી શેરપુરા તરફ વહી જાય છે. આવાજ અંબાજી તરફના ડુંગરાઓમાંથી વહેતું પાણી દાંતાના નાગેલ ગામ પાસે અર્જૂના તથા કુંવારકા નામની નદીઓ ભેગું ભળીને સરસ્વતી નામ મેળવી મોરિયા ગામની પૂર્વે થઈને વહે છે. આ સરસ્વતી નદી વિષે મે તથા મારા મિત્ર Nitin Patel (વડગામ) પણ ખૂબ લખ્યું છે.

             આ જલોત્રા ગામ મારા સ્વર્ગસ્થ મિત્ર..મુ.શ્રી ઘેમરભાઈ ભટોળની જન્મભૂમિ હોઈ આ ભૂમિને હું નતમસ્તક વંદન કરું છું..🙏🏻 વરસાદની મોસમમાં પડતો પાણિયારી ખાતેનો આ કુદરતી ધોધ ધાણધારની ભોમકાને યુરોપની આલ્પ્સની પહાડીની કક્ષામાં મૂકે. કોઈપણ હિલસ્ટેશન કે ચેરાપુંજી ન જઈ શકતા મિત્રો પાણિયારી જઈ આવે એટલે ભાઈભાઈ. એ પાણીયારીના ભોંખરા ઉપર ગુરુ ધૂંધલીનાથ નામની ધાર્મિક જગ્યા. આ જગ્યા એટલે વરવધુના છેડાછેડી છોડવાની આસ્થાનું પ્રતીક. આવી રમણીય જગ્યાઓ પર કુદરતની આમેય મહેર વરસતી હોય એવી આ ધાણધાર ધરા પર નર પટાધાર નીપજે એમાં કશી નવાઈ ન હોય.

             એવી આ જોયણ નદીની પશ્ચિમે આવેલા મુમનવાસ ગામ ખાતે એક જૈન શ્રેષ્ઠીના ભવ્ય કચેરી જેવા મકાનમાં પાલનપુર રાજ્ય તરફથી 'દાણી' તેમજ કેટલીયે ઉપાધિઓ સાથે નિયુક્તિ પામેલા ચિત્રાસણીના યુવાન સિંધી જાગીરદાર સોરમખાને રહેણાંક કરેલું.

            અહીં પાલનપુર રાજ્ય દ્વારા અધિકારીની નિમણૂક કરવાના અનેક કારણો હતા. નવાબસાહેબશ્રી તાલેમોહંમદ ખાનજી પોતે શિકારના શોખીન હતા. તેઓના મહેમાનોમાં મોટા રાજા રજવાડાઓ.. બ્રિટિશ અધિકારીઓ(લોર્ડ માઉન્ટબેટન) પણ આવતા. અહીં ગીચ જંગલોમાં મોટી માત્રામાં શિકાર મળી રહેતો. અહીંના ડુંગરાઓ વચ્ચે કુદરતી રીતે રચાયેલું ભવ્ય સરોવરો હતું. જેનું ટોપરા જેવું મીઠું પાણી જમીનોને ફળદ્રુપ બનાવતું હતું. અહીં કુદરતે મન મુકીને સૌંદર્ય વેરેલું. મુમનવાસ સરહદનું ગામ હોઈ અહીં પાલનપુર રાજ્યની ચોકી હતી. તેમજ મોરિયા ગામ દાંતા. સુદાસણા. ગાયકવાડ તથા પાલનપુર રાજ્યની સીમાઓ પર વસેલું હોઈ આજુબાજુના દશદશ ગામોની વચ્ચેનું સમૃધ્ધ વ્યાપારી કેન્દ્ર ગણાતું. અહીં સિધ્ધપુરના વ્હોરા સમજ, જૈન વણીક સમાજ, મુમન સમાજ તથા ચૌધરી સમાજના વ્યાપારીઓ વ્યાપાર અર્થે આવતા જતા હોઈ અહીંના જૈન વ્યાપારીઓની ખ્યાતિ દૂરદૂર સુધી ફેલાયેલી. એટલેજ આ ગામને કોઈની બુરી નજર લાગી હતી. અહીંની માલમતા પર લૂંટારુઓની નજર પડવી પણ સ્વાભાવિક હતી.

           પાલનપુર નવાબસાહેબના રાજ્યનું અંગ્રેજો દ્વારા ચલાવાતું પોલીસતંત્ર ખુબજ સશક્ત તેમજ ચબરાક હતું. લગભગ મારધાડ.. ચોરીલૂંટના બનાવો નહિવત બનતા. પાલનપુર રાજ્ય અમલી બન્યું ત્યારથી દરેક ગામોમાં એકેક ઘર જાગીરદારોના નિયુક્ત કરાયેલા.. જે સીધા પ્રજાના સંપર્કમાં રહેતા. સપ્તાહમાં એકવાર તમામ ગામોના જાગીરદારો નવાબસાહેબને સલામ કરવા તથા પોતાના વિસ્તારમાં સબસલામત છે ની ખબર આપવા પાલનપુર જતા. જેથી દર  અઠવાડિયે નવાબસાહેબને આખા રાજ્યનો અહેવાલ મળી જતો. 

           એવા એક જેઠ (સુદ બીજના વી.સં. ૧૯૭૯)મહિનાનાં ઉકળાટ ભર્યા દિવસે મોરિયા મુકામેથી પાલનપુર જવા જાગીરદારશ્રી ઈબ્રાહીમખાનજીએ ઘોડો પલાણ્યો. જેઓને થોડો પલ્લો પડવા દઈને બનાજીની ટુકડીએ મોરિયા ગામ માથે ધાડ પાડવાના ઈરાદે હુમલો કર્યો. સાથે મીરખાનને લીધેલો જે પોતાની જાતમાં ચોક્કસ નહોતો કે મોરિયા ગામ પાલનપુર રાજ્યનું હતું કે (દાંતા સુદાસણા) ગાયકવાડનું? મીરખાનના સાથ વગર મોરિયા લૂંટવું શક્ય નહોતું. જેથી બનાજી તરફથી મીરખાનને સતત એવું ઠસાવવામાં આવેલું કે "મોરિયા ગામ ગાયકવાડી ગામ છે અને તમારું બહારવટું તેઓની સામે છે એટલે તમારે તો અમોને ખાસ મદદ કરવી જોઈએ" 

           મોરિયા ગામની ભૌગોલિક સ્થિતિથી અંજાણ એવા આ મીરખાન બહારવટિયાની આ ભૂલ એના જીવનની આખરી ભૂલ સાબિત થવાની હતી. બસ એટલેજ કદાચ એ બનાજીની વાતોમાં આવી ગયો. ઘોડાઓની હાવળો તથા ડાબલાઓની ટાપોથી મોરિયા ગામની શેરીઓ ધ્રુજી ઉઠી. જૈન વણીકો તથા અન્ય વ્યાપારીઓએ ભાગીને ઈબ્રાહીમખાનજીના દરબારી માઢમાં આશ્રય લીધો. મીરખાનને ખબર પડી એટલે પોતે સીધો બાપુની માઢ તરફ આગળ વધ્યો. વ્યાપારીઓને શરણે આવવા કહ્યું. સામે ઝરૂખામાંથી સખુબા'માએ મીરખાનને પડકાર્યો કે "ખબરદાર.. મીરખાન તું અમારો આશ્રિત છે તથા વચને બંધાયેલો છે કે પાલનપુર રાજ્યના કોઈ ગામને નિશાન નહીં બનાવે.. આ ગામ અમારી જાગીરનું તથા પાલનપુર રાજ્યના તાબાનું છે.. તારે પસ્તાવાનો વારો આવશે!"

"હા મા મારાથી ભૂલ થઈ છે. પણ હવે પાછા વળવું શક્ય નથી" એ પોતે જાણતો હતો કે મારો વાળ્યો બનાજી પણ હવે પાછો વળવાનો નહોતો. ત્યારબાદ મીરખાન એટલું બોલ્યો કે "આપના તમામ હથિયારો અમોને સોંપી દ્યો. હું આપના તમામ આશ્રિતોને અભયવચન આપું છું" સખુબા'માએ પોતાની પાસે એક બંદૂક રાખીને બાકીની તમામ બંદૂકો લૂંટારુઓના હવાલે કરી દીધી.

          ત્યારબાદ એ લૂંટારુઓએ મોરિયા ગામને લૂંટયું. દુકાનો. મકાનો. પેઢીઓ. ગોદામો.. તમામ લૂંટીને તેઓ કોઈપણ પ્રકારના પ્રતિકાર વગર મોરિયા ગામેથી નીકળી ગયા. મીરખાન બેચેન હતો. જ્યારે બનાજી ખૂબ ખુશ હતો કારણ કે અઢળક માલ હાથ લાગ્યો હતો.

             મોરિયાની માઢનો એક સિપાહી મુમનવાસ તરફ ભાગતો આ ખબર આપવા નીકળી ગયેલો. પોતે પહોંચ્યો ત્યારે એનો હાંફ હેઠો બેસતો નહોતો. સોરમખાન હાથમાં પાણીનો લોટો લઈને એની પીઠ પસારતા વ્હાલપુર્વક કહી રહ્યા હતા કે "શાંત થા ભાઈ.. હળવે હળવે થોડું પાણી પી લે!" સિપાહી માથું ધુણાવતો 'ના' ની સંજ્ઞા બતાવતો તૃટક અવાજે બોલતો હતો કે "મોરિયા.. મોરિયા.. મોરિયા!"... 

              "હાં ખમા મારા ભાઈ પ્રથમ તું શાંત થા પછી જે કહેવું હોય એ કહે!"

                 "મોરિયા લૂંટયું... બનાજી.. બનાજી.. મિરખાં..!"

               સોરમખાને પોતે આગંતુકને પાણી પીવડાવ્યું.. એનો હાંફ હેઠો બેઠો. સ્વસ્થ થતા પોતે બોલ્યો કે "બનાજીએ મોરિયા લૂંટયું.. મિરખાં એની સાથે હતો"

              "પણ મિરખાં તો આપણો આશ્રિત છે.. એને વેર ગાયકવાડ સાથે છે.. સરિયદની પોલીસ સાથે છે.. એ વચને બંધાયો છે કે પાલનપુર રાજ્યના તાબાના કોઈપણ ગામને કે કોઈપણ વ્યક્તિને નુકશાન નહીં પહોંચાડે!"

                   "મેં મારી નજરે એને સખુબા'મા જોડે ચડભડતો જોયો"

                "સખુબા'મા જોડે? તો ઈબ્રાહીમખાં ક્યાં હતા? તેઓ પાસે તો બંદૂકો છે!..

              "બાપુ પાલનપુર હાજરી આપવા ગયા છે.. બાતમીદારે પાક્કી બાતમી આપી હશે. બરાબર ઈબ્રાહીમખાં બાપુના નીકળી ગયાના કલાક બાદ લૂંટારા ગામ પર ત્રાટક્યા". અને સખુબા'માએ મને મુમનવાસ આપ સુધી ખબર પહોંચાડવા મોકલ્યો.

                 બનાજી તો લૂંટારો હતો. એનું કામ ચોરી ડેકોયટીનું હતું. પરંતુ મીરખાન મર્દ માણસ હતો. બહારવટિયો હતો. વળી પાલનપુરના નવાબી રાજ્યનો આશ્રિત હતો. એણે સોગંધ ખાધેલા કે નવાબી રાજ્યમાં ક્યાંય નુકશાન નહીં કરે કે નવાબસાહેબની વિરુધ્ધમાં હોય તે કોઈની મદદ નહીં કરે. તો આજે કેમ આમ થયું.. વધારે વિચારવાનો સમય નહોતો. સોરમખાન સિપાહીને આરામ કરવાનું કહી ઓરડામાં ગયા. પોતાની Muzzle loader (ઉપર ભરવાની બંદૂક..ખાંડણીયું) બંદૂક તથા દારૂગોળો ભરેલું ચામડાનું પાકીટ લઈને બહાર આવી ઘોડાર તરફ ગયા. જ્યાં એ જૈનના બે ઘોડા બાંધેલા. જેમાંની એક જાતવાન સિંધી ઘોડીએ અસવારની ચાલ પારખી. સોરમખાનની ચાલમાં જોમ જુસ્સો તથા તેજી ભાળીને ઘોડીએ હાવળ કરી. સોરમખાન સીધા એ ઘોડી તરફ ગયા. સરક છોડીને ફક્ત ચોકડું ચડાવીને સવાર થઈ ગયા. ડલી માંડવાનો કે તંગ ખેંચવાનો સમય નહોતો. મજલ પણ લાંબી નહોતી. જોઈતાનો ભોંખરો પડખે રાખીને જોયણ નદીનો વ્હેણ વળોટો એટલે આ રહ્યું મોરિયા.

             વીસી ન વટેલા એ સિંધી જાગીરદારના મુખમાં કડવાશ વ્યાપી ગઈ. મિરખાન મળે તો સૌપ્રથમ એને ગોળીએ દેવો. લૂંટારાઓ પાછળ રાજ્યનો એકાદ બ્રિટિશ કમાન્ડર લાગી જશે પછી તો તેઓને શોધીને ગોળીએ દેશે કાં ફાંસીએ લટકાવશે. પાલનપુર રાજ્યની આવા તત્વોમાં જબરી ધાક હતી અને કેટલાયને ગોળીઓ ધરબી દીધેલી. ઘોડી એ ઉબડખાબડ જંગલો વટાવતી એકધારી એની મજલ કાપી રહી હતી. સોરમખાનને મોડું ન પડાય એની ચિંતા હતી. ઈબ્રાહીમખાનની ગેરહાજરીમાં સખુબા'મા બોલાવે એટલે વ્હારે જવું પોતાની ફરજ ગણાય. બીજું એ પણ હતું કે નજીકમાં કોઈ બંદૂકધારી હોય તો તે એક્લો હુંજ છું. આવનારા ભવિષ્યમાં નવાબસાહેબ તરફથી કોઈ સવાલ થાય તો મારી પાસે ઉત્તર પણ હોવો જોઈએ ને! જોયણ નદી ઓળંગીને સોરમખાન આગળ વધ્યા. લૂંટારુઓ નીકળી તો નહીં ગયા હોય ને! મોડું તો નહીં પડાયું હોય ને! એ વિચારે ખિન્ન સોરમખાન ઘોડીને દોડાવ્યે જતા હતા. 

        જોઈતા ગામના ભોંખરા(ડુંગર)ની કાખમાંથી સોરમખાન નીકળ્યા ત્યારે ઘોડી એના અસલ રંગમાં હતી. આજે આ યુવાન જાગીરદાર બહારવટિયાઓને ભરી પીવા માંગતો હતો. ગાયકવાડની ફોજુંને હંફાવતો મીરખાન તથા ધાડપાડુ બનાજીની ટોળકીના ઘાતકી પણાથી પોતે બરાબર પરિચીત હતો. પોતાની ફરજમાં પણ નહોતું આવતું તેમ છતાંય પોતે મોરિયા જઈ રહ્યો હતો. ત્યાં જવાથી પરિણામ શું આવશે એપણ સ્પષ્ટ હતું. પણ પરવાહ કોને હતી. મારા જીવતેજીવ હું બનાજીને કે મીરખાનને પાલનપુર રાજ્યનું ફદીયું પણ લૂંટીને લઈ જવા નહીં દઉં.. ભલે પછી મારા પ્રાણ એ મોરિયાની ધરતી માથે ફગાવી દેવા પડે. આવા મક્કમ નિર્ધાર સાથે એક જગ્યાએ ઉભા રહી પોતાની પાસેની બંદૂક ખભેથી ઉતારીને એની નળીમાં દારૂગોળો ભરીને ફોડવા સજ્જ કરી. 

        હુઝુર નામદાર નવાબસાહેબે પોતાના હસ્તે એક રંગારંગ સમારંભમાં આ બંદૂક પોતાને એનાયત કરી ત્યારે નવાબસાહેબ એટલું બોલેલા કે "આ હથિયાર રાજ્યની પ્રજાના રક્ષણ માટે છે સોરમખાન.. ધ્યાન રહે કે એનો વપરાશ પ્રજાની ભલાઈ માટે કરવાનો છે!" 

        એ સમયે પાલનપુર રાજ્યના મહેલમાં સમારંભમાં પોતાની ખુશીનો પાર નહોતો. સીનો ચોડો થઈ ગયો હતો. ત્યારથી લઈને આજદિન સુધી આ બંદૂક ફક્ત સાફસફાઈ કરવા પૂરતી ખીંટીએથી ઉતારાઈ હતી. 

             સોરમખાને બંદૂક સામે નજર માંડી ત્યારે પોતાના રૂંવાડા ખડા થઈ ગયા. આંખોના ખૂણા રતાશ પકડી ગયા..બંદૂકના કુંદા પર પકડ સખત થઈ ગઈ. આવા સમયે જાનફેશાની કેમ આસાન લાગતી હશે? પોતાની ફરજ માટે.. કે રાજ્યની પ્રજાના રક્ષણ કાજે..મરવું મારવું કેમ ગૌણ બની જતું હશે?.. ઘોડીને એડી મારી.. જેવી ઘોડી ચાલી કે પોતે સ્વગત બોલ્યા કે.. "ના હુઝુર આ બંદૂક હું પ્રજાના રક્ષણ સિવાય બીજે ક્યાંય નહીં વાપરું..!" આજે આ બંદૂક વાપરવાનો સમય આવી ગયો હતો. મોરિયા સુનું હતું. ઈબ્રાહીમખાનજી હાજર નહોતા. જેનો લૂંટારાઓએ ગેરલાભ ઉઠાવ્યો હતો.. પરંતુ હું જીવું છું. આજે બતાવી દેવું છે કે પાલનપુર રાજ્યનો એક અદનો જાગીરદાર પણ ગમે એવા ચમરબંદને એકલે હાથે ભારે પડવાનું સામર્થ્ય ધરાવતો હતો. ઉબડખાબડ રસ્તો હતો. એક જગ્યાએ નાનકડી ટેકરી ચડ્યા કે લૂંટારુઓની ટોળકી નજરે ચડી. સોરમખાનની ઘોડી હાવળ કરતી આગળના બંન્ને પગે હવામાં ઉભી થઈ ગઈ.. સૌ લૂંટારુઓ સ્તબ્ધ થઈ ગયા. સોરમખાને ત્રાડ નાખી કે "એક ડગલું પણ આગળ ન ભરતા..!" આ કોઈની સગી નહીં થાય.. કહેતા બંદૂક એ લૂંટારુંઓની ટોળકી સામે તાકી.

           "સોરમખાન મૂર્ખામી ના કરો.. તમે જુઓતો ખરા.. સામે કેટલી બંદૂકો તકાએલી છે? એક બંદૂકથી કેવી રીતે મુકાબલો કરશો?. તમોને સામસામેની લડાઈનો અનુભવ પણ નથી. હજુ તમારી મૂછનો દોરો પણ પૂરો ફૂટ્યો નથી. તમારી સામે આખી જિંદગી પડી છે.. માટે હટી જાવ.. અમારો મારગ મૂકી દ્યો!".. 

"મીરખાન આ માલ પાલનપુર રાજ્યનો છે. જે મારા જીવતેજીવ હું તમોને સાથે નઈ લઈ જવા દઉં.. અને આશરો આપનાર સાથે આવી ગદ્દારી!?"

              "સોરમખાન એમાં મારી ભૂલ થઈ છે. મને કહેવામાં આવેલું કે મોરિયા ગામ ગાયકવાડી છે.. પણ હવે મોડું થઈ ગયું છે!"

        આ વાતો સાંભળીને બનાજી અકળાયો એને લાગ્યું કે સોરમખાન વાતોએ વળગાડીને તેઓની મદદે રાજ્યની કુમક આવી પહોંચે એટલો સમય કાઢવા માંગે છે.. બનાજી સોરમખાન સામે બંદૂક તાકીને બોલ્યો કે "સોરમખાન છેલ્લી તક આપું છું. મારગમાંથી હટી જાવ!" સોરમખાને જોયું કે બનાજીએ લૂંટેલો માલ અઢળક માત્રામાં હતો જે અહીં મૂકીને કદાપી નહીં જાય.. જેથી તેઓએ બંદૂક લૂંટારા સામે તાકીને ભડાકો કરી દીધો અને બનાજીનો ભાઈ ઘોડા પરથી ગડથોલીયું ખાઈને ભોંય પટકાયો. એ ભેગી લૂંટારુઓની બંદૂકો આગ ઓકવા લાગી. 

            ધાણીફૂટ બંદૂકોના ભડાકાઓએ એ ટેકરીઓ ગજવી નાખી. ધુમાડો. ઘોડાઓની ખરીઓથી ઉડેલી ધૂળ અને અવાજના પડઘા શાંત થયા ત્યારે સૌએ જોયું કે સોરમખાનની છાતીમાંથી રક્તની છોળો ઉઠતી હતી. લૂંટારું ટોળકીને બનાજીએ નીકળી જવા ઈશારો કરીને પોતે પણ ટેકરીઓમાં ગાયબ થઈ ગયો. એવા સમયે આકાશ વાદળોથી ઢંકાઈને સોરમખાનની શહાદત પર કાળું ડિબાંગ થઈ ગયું. પુરી મૂછો ફૂટી ન હોય એવો એક ચિત્રાસણીનો જાગીરદાર યુવાન વીર સિંધી સોરમખાનજી મોરિયાના સીમાડે શહીદ થઈને પોઢી ગયો. જેણે તમામ ગોળીઓ પોતાના સીનાપર ઝીલીને હસતા મુખે શહાદતનો જામ પીધો હતો. થોડીજ વારમાં મોરિયાનું આકાશ ધીમીધારે રડી ઉઠ્યું.

      ગામમાંથી લોકો મોટી સંખ્યામાં ઉમટી પડ્યા. શહીદ સોરમખાનજીની શહાદત પર અશ્રુઓ વહાવવા લાગ્યા. એ તારીખ હતી આજથી સો વર્ષ અગાઉની ૧૬ મી જૂન ૧૯૨૩ ત્યારબાદ વીર શહીદ સોરમખાનજીની મૈયત પાલનપુર લઈ જવામાં આવી જ્યાં નવાબસાહેબશ્રી તાલેમોહંમદ ખાનજીએ પોતે શહીદને સ્વહસ્તે દફન કર્યા. એક સપ્તાહમાં વીર શહીદ સોરમખાનજીના ભાઈશ્રી નથેખાનજીને માસિક પેંશન આપવાનું નક્કી થઈ ગયું તથા એડીસી તરીકેની નિમણુંકનો પત્ર એનાયત કરીને બહુમાન કરાયું. જેનું આજેપણ વીર શહીદ સોરમખાનજીના હાલના ચિત્રાસણી ખાતેના વંશજો..એવા શ્રી સોરમખાનજી તથા ભીખનખાનજી ગૌરવ અનુભવે છે.

       હુકમો છૂટ્યા.. બીજાજ દિવસે મીરખાનની ભાળ મળી.. જેસોરના જંગલો તરફ ભાગી રહેલા મીરખાનને ડુંગર પર ચડતા અંગ્રેજ અફસરે પડકાર્યો. બંદૂક નીચે ફેંકીને મીરખાન ઉપર તરફ ભાગ્યો. તળેટીમાં ઉભેલા અંગ્રેજ અફસરે એને પગમાં ગોળી મારીને ઘાયલ કરીને શરણે થવા મજબૂર કર્યો. એ ગાયકવાડનો ગુન્હેગાર હતો જેથી એને વડોદરે મોકલી અપાયો. જ્યાં એને ફાંસી આપી દેવાઈ. મોરિયા લૂંટનું કાવતરું ઘડનાર બનાજી પણ પકડાઈ જતાં એની સામે સોરમખાનજીની હત્યાનો ખટલો પાલનપુરમાં ચાલ્યો. બનાજી દોષિત પુરવાર થતાં એને પાલનપુર ખાતે ફાંસી અપાઈ. આમ બન્ને ગુન્હેગારોનો અંત થયો.

        સો વર્ષેય મોરિયાની પ્રજા આ ગણ ના ભૂલી અને વીર શહીદ સિંધી સોરમખાનની શતાબ્દી મહોત્સવ ઉજવીને જાગીરદારો પ્રત્યે પોતાનું સમર્પણ જાહેર કર્યું. 

તા.ક. 

      મોરિયાના દક્ષિણે વીર શહિદ નાથુસિંહ વાઘેલાનું મંદિર છે.. કહેવાય છે કે ગાયોના રક્ષણ કાજે શહીદ થયેલા છે. જેઓની  વિગતો એકઠી કરવા રૂબરૂ મોરિયા જઈ ગ્રામજનોને મળીને પછી મારી શૈલીમાં ઐતિહાસિક લેખ લખીશ.

લેખક - સંકલન - મલિક શાહભાઈ દસાડા દરબાર ગઢ.

+919825072770

વાહ મોરિયા વાહ - મલિક શાહભાઈ દસાડા

વાહ મોરિયા વાહ

✍🏻 - મલિક શાહભાઈ દસાડા

આજરોજ વિક્રમ સંવંત ૨૦૮૦ ના વૈશાખ સુદ બીજના ધોમધખતા તાપમાં હૈયાને ટાઢક આપનારો એક "વીર શહીદ સિંધી સોરમખાનની શહાદતનો શતાબ્દી ઉત્સવ(ઉર્સ) પાલનપુર નવાબસરકારના નાનકડા ગામ મોરિયા ખાતે યોજાઈ ગયો. હાલકડોલક થતી જમીનને સમતોલ કરી હોય એમ આ મોરિયા ગામ ફરતે કુદરતે ત્રણચાર ભોંખરા(ડુંગરાઓ) તોતિંગ ખિલા ખોડેલા છે. આમ જુઓ તો તમામ ગામડાઓ હોય એવું સામાન્ય ગામ છે મોરિયા.. પરંતુ જ્યારે આ ગામની ખાસિયતો ખૂબીઓ તથા ખુમારી આપણી નજર સામે આવે તો આપણ સૌને અચંબિત કરી મૂકે.

અને આ ખાસિયતો ખૂબીઓ તથા ખુમારી મોરિયાના સમસ્ત પ્રજાજનોએ દેખાડતો દાખલો બેસાડી દીધો કે અમારી બરાબરી કોઈ ના કરશો. હા હિંદુ મુસ્લિમ એકતાના. સંપના. સૌહાર્દના જે દર્શન મોરિયા ગામે કરાવ્યા એ વર્તમાન ભારત દેશને સત્તાની સાઠમારીમાં જ્ઞાતિઓને. કોમોને ભાષાઓને વાડાઓમાં વહેંચનાર બળોને ઝન્નાટેદાર તમાચો છે. અમારા જેવા અસલ દેશપ્રેમીઓને સંતોષ. હાશકારો તથા ખુશી થઈ કે ચલો મારા દેશ ભારતને વિશ્વની સૌથી મજબૂત લોકશાહી ગણાવનારની સંખ્યા આજેય સેંકડોમાં છે.

આજથી બરાબર એક સો વર્ષ પહેલાં સમૃધ્ધ વ્યાપાર કેન્દ્ર એવા મોરિયા ગામને લૂંટવા બનાજી નામના લૂંટારાએ તખ્તો તૈયાર કરીને મીરખાન નામના અન્ય એક બહારવટીયાની મદદ માંગી અને મોરિયા ગામ લૂંટયું. સોરમખાન કે જે બાજુના ગામ મુમનવાસ ખાતે નવાબસાહેબની અન્ય સેવા બજાવતા હતા ત્યાં આ ખબર પહોંચી. તેઓની ફરજમાં નહોતું આવતું છતાંય વિસ વર્ષની નીચેના આ નવલોહીયા યુવાનને આ વાત ખૂંચી ત્યારે લૂંટીને પરત ફરી રહેલા લૂંટારુઓને તેઓએ એકમાત્ર ઉપર ભરવાની બંદૂક વડે આંતરીને પડકાર્યા. પુષ્કળ માલમતા લૂંટીને મોરિયાથી નીકળેલા લૂંટારુઓ આ માલ સોરમખાનને સોંપવા તૈયાર નહોતા. પાલનપુર રાજ્યનું લુંણ પેટમાં પડ્યું હોઈ લૂંટનો માલ લઈ જવા દેવા આ યુવાન સોરમખાન તૈયાર નહોતા. મીરખાન તરફથી કહેવામાં આવ્યું કે "સોરમખાન નીકળી જાવ" પરંતુ એક તરફ પોતાનું મૃત્યુ તથા બીજી તરફ પાલનપુર રાજ્યની શાખ બે માંથી કોઈપણ એક વાતનો નિર્ણય તત્કાલ લેવાનો હતો ત્યારે એ નવલોહીયા યુવાન સોરમખાને પાલનપુર રાજ્યની શાખને પોતાના રુધિર વડે સીંચવું પસંદ કર્યું. ખબર હતી કે સામસામેના યુધ્ધમાં બાજી પોતાના પક્ષે નહોતી છતાંયે આ યુવાને બંદૂકનો ભડાકો કરીને બનાજીના ભાઈને મારી નાખ્યો. જેની સામે લૂંટારુઓની અસંખ્ય બંદૂકોએ આગ ઓકતા સોરમખાને પોતાની છાતીએ ગોળીઓ ઝીલી..અને એ જગ્યા પર શહીદ થઈ ગયા.(શહાદતનો કિસ્સો વિગતે લખીશું)

મોરિયા સ્કૂલમાં હેડમાસ્તર તરીકે ત્રણ દાયકા ફરજ બજાવીને નિવૃત્ત થયેલા એવા જાજરમાન બુઝુર્ગ બિહારી અલીખાનજીને આ વાત બરાબર યાદ હતી. તેઓએ વીર શહીદ સોરમખાનની શહાદતને સો વર્ષ પૂર્ણ થતા હોઈ શહીદની યાદગીરી રૂપે કોઈ કાર્યક્રમ કરવા ચિત્રાસણી ખાતે વસતા સોરમખાનના વંશજો હાલ હયાત એવા પૌત્ર સોરમખાનજી  તથા ભીખનખાનજીને જાણ કરી. તેઓએ આ વાતનો સહર્ષ સ્વીકાર કરતા ચર્ચા માટે મિત્રો વડીલોને આમંત્રિત કર્યા. શહાદતની તિથિ ઉર્ષ રૂપે ઉજવવાનું નક્કી કર્યું. 

પરંતુ મોરિયા ગામની પ્રજાને આ નિર્ણય મંજુર નહોતો. તેઓએ  ચિત્રાસણીના વીર શહીદ સોરમખાનના હાલ હયાત વંશજોને કહ્યું કે "શહાદતનો પ્રસંગ ઉજવવા માટેની ફરજ અમારી છે જે અમો નિભાવીશું!"  આ નિર્ણય મોરિયાના પ્રજાજનોએ લીધો એ મોરિયા ગામની ખાનદાની. પોતાના જાગીરદારો માટે કૃતઘ્નતા વફાદારી તથા જાનફેશાની રજૂ કરે છે. ગામના વડીલો આગેવાનો ભેગા થયા જેમાં એકજ શુર નીકળ્યો કે શહિદ સોરમખાને આપણા ગામ મોરિયા માટે શહાદત વ્હોરી હતી તો આ શહાદતના પ્રસંગની ઉજવણી આપણા ગામ તરફથી કરવી જોઈએ. ચિત્રાસણીના હાલના સોરમખાનના વંશજો આ પ્રસંગે યજમાન નહીં પણ આપણા મોરિયા ગામના મહેમાન બનીને આવશે. જે બાબતની ચિત્રાસણી જાણ કરી દેવામાં આવી કે "આપ ચિત્રાસણીના સિંધી જાગીરદારોને મોરિયા ગામે મહેમાન બનીને આવવાનું છે!"

આખરે તા. ૯ મી મે ૨૦૨૪ અને વૈશાખ સુદ બીજ વી.સં. ૨૦૮૦ ગુરુવારના રોજ બનાસકાંઠા જિલ્લાના વડગામ તાલુકાના આ નાનકડા મોરિયા ગામે એક ભવ્ય ઐતિહાસિક કાર્યક્રમ ગોઠવાઈ ગયો. અસહ્ય ગરમીમાં મોરિયાની ભાગોળે સુંદર સામીયાણું બંધાયું હતું. બન્ને તરફ મીર કોમના લોકો હાથમાં ફૂલોની પાંદડીઓ લઈને સરણાઈઓ વગાડતા મહેમાનોનું સ્વાગત કરી રહ્યા હતા. ધીરેધીરે માનવ મહેરામણ ઉમટી રહ્યો હતો. સવારના સાડા દશ સુધીમાં મંડપ ફૂલ ભરાઈ ગયો. એક આડશ બાંધીને મોરિયાની બહેનો માટે અલાયદી બેઠક વ્યવસ્થા કરાયેલી જેમાં મોટી સંખ્યામાં બહેનો ઉપસ્થિત રહી. અતિથિઓમાં મુખ્ય ચિત્રાસણીનો સોરમખાનના વંશજોનો પરિવાર હતો તથા સુદાસણા ઠાકોર સાહેબ પણ ખાસ ઉપસ્થિત રહ્યા હતા.

મુખ્ય મહેમાનોની યાદી.

(૧) સિંધી સોરમખાનજી ફત્તેહખાનજી

(૨) સિંધી ભીખનખાનજી ફત્તેહખાનજી

અતિથિ વિશેષ...

(૧) સિંધી આબાદખાનજી દાદાભાઈ

(૨) સોહીલખાનજી અકબરખાનજી

(૩) સિંધી પરવેઝખાનજી અહેમદખાનજી

(૪) દોલતખાનજી નવરંગખાનજી.. ઉપસ્થિત રહ્યા

મહેમાનોને તો મહેમાનગતિનો ઉમંગ હોય એ સ્વાભાવિક છે પરંતુ મોરિયા ગામની પ્રજાને યજમાનીનો ઉમંગ અદકેરો હતો. પોતાના આંગણે પ્રસંગ હોય એમ દિલથી દરેક ગ્રામજનો કામે લાગેલા. ગામની કુંવાસીઓ માઈલો દૂરથી આવા ધોમધખતા તાપમાં ખાસ આ શહાદતના પ્રસંગમાં હાજરી આપવા આવેલી. મારા ઈતિહાસના લેખક તરીકેના દશ વર્ષના સમયગાળા દરમિયાન મેં અનેક પ્રસંગો જોયા છે માણ્યા છે. પરંતુ આજના વીર શહીદ સિંધી સોરમખાનની શહાદતની શતાબ્દી જેવો રૂડો પ્રસંગ ક્યાંય ના જોયો. આટલો હર્ષ આટલો ઉત્સાહ. એકએક જણને મેં ખુશીમાં ઝૂમતો જોયો. પાણીની નાની બોટલોનો ઢગલો ખડકી દેવાયેલો. દશથી વધારે યુવાનો ડોલમાં ભરીને એ પાણીની બોટલો મહેમાનો તથા ગ્રામજનોને પીવડાવતા હતા. શી ખબર કેયલીયે વાર ચા આવી હશે? નીચે ફક્ત પાથરણા નહીં ડનલોપના ગાદલા બિછાવેલા હતા. સુંદર સ્ટેજ પર સોફા સાથે હવા માટે મોટા કુલર્સ ગોઠવાયા હતા. સ્ટેજની નીચે જમણી તરફ સોફા તથા કુરશીઓ લાગેલી જેમાં અનેક આગેવાનો બેઠેલા. એ કુરશીઓમાં પાલનપુર નવાબસાહેબની જાગીરના જાગીરદારો બેઠેલા. નામી અનામી આગેવાનો બેઠેલા. 

વીર શહીદ સિંધી સોરમખાનના વંશજ એવા ભીખનખાનજી મોરિયા ગામના ગ્રામજનોની યજમાની જોઈને ભાવુક થઈ ગયા. તેઓએ પોતાના પ્રસંગોપાત પ્રવચનમાં ગામ સમસ્તની કુંવાસીઓને પહેરામણી આપવાની જાહેરાત કરી.(એક લાખ સાઈઠ હજાર ખર્ચ) શહાદતના સ્મારકને રક્ષિત કરવા માટે ફેંસિંગ દીવાલ કરાવવા પાંચ લાખ રૂપિયા, શિક્ષણ ક્ષેત્રે એક લાખ એકત્રીસ હજાર રૂપિયા તથા મંદિરમાં ધર્માદા પેટે એકત્રીસ હજારના અનુદાનની રકમ સાથે બે મેડિકલ કેમ્પ કરવાની પણ જાહેરાત કરી. આવા સમયે મોરિયા ગ્રામજનો તરફથી કરાયેલી એક જાહેરાત મારું દિલ જીતી ગઈ. મોરિયા ગામની એકપણ કુંવાસી પાસેથી વીર સિંધી શહીદ સોરમખાનની શહાદતની શતાબ્દીની ઉજવણી (ઉર્ષ) પ્રસંગે ફાળા પેટે એક રૂપિયો પણ ના લેવાની જાહેરાત ગામના સંસ્કાર તથા ખાનદાની બતાવતી હતી. આ શહાદતના પ્રસંગનો તમામ ખર્ચ મોરિયા ગામની અઢારેય વર્ણએ ભેગા થઈને સહર્ષ ઉઠાવી લીધો.

કાર્યક્રમ પૂર્ણ થયા બાદ જમણવાર શરૂ થયો. જમવામાં આજે શુધ્ધ ઘીથી લસલસતો શિરો, મગ મસાલાનું શાક, દાળ, ભાત તથા બનાસ ડેરીની ઠંડી છાશ હતી. લગભગ ૩૮૦૦ જેટલા માણસો જમ્યા પણ કોઈ શોરબકોર નહીં. લોકો જમીને પણ વીર શહીદ સોરમખાન પીરની શહાદત વાળી જગ્યાથી હટવા નહોતા માંગતા. ગામમાં ચકલુંય ફરકતું નહોતું. સમસ્ત મોરિયાની પ્રજાને આ મુબારક જગ્યાની મમત લાગેલી. આજે જાણે આ શહાદતનું ઋણ ચૂકવવાનો રૂડો અવસર હાથ લાગ્યો હતો જેને તન મન ધનથી ચૂકવી લેવો હતો. મોરિયાના કે ચિત્રાસણીના જાગીરદારો સાથે પોતે મન હૃદયથી સમર્પિત છે એ ભાવના રજૂ કરવાનો પ્રેમાળ અવસર હતો.

આજના શહાદતના પ્રસંગને પોતાના ખભા પર ઉપાડી લેનાર ગ્રામજનોનો અહીં ઉલ્લેખ ના કરું તો તેઓ સાથે અન્યાય લેખાશે.

(૧) બિહારી હિદાયતુલ્લાખાન અલીખાન.

(૨) બિહારી જહાંગીરખાન અહેમદખાન

(૩) બિહારી ગિજનીખાન પહાડખાન

(૪) ગોળ નથુભાઈ ઉમેદભાઈ

(૫) લોહ મોઘજીભાઈ ફલજીભાઈ

(૬) માજી સરપંચ કાગ મોઘજીભાઈ રામજીભાઈ

(૭) માજી સરપંચ પ્રજાપતિ હરજીવનભાઈ રામાભાઈ

(૮) ઠાકોર પ્રવિણજી રઘાજી

(૯) ઠાકોર નવીનજી રાધુજી

(૧૦) દરજી ચુનીલાલ અમૃતલાલ

(૧૧) નાઈ જગદીશભાઈ ડાહ્યાભાઈ(મંડપવાળા)

(૧૨) બિહારી ફયાઝખાન અકબરખાન

(૧૩) બિહારી બી.એમ.

(૧૪) પ્રજાપતિ કાનજીભાઈ

(૧૫) સિપાઈ ભેમજીભાઈ ભીખાભાઈ

(૧૬) હાપાણી મુરતુઝાખાન મનવરખાન

આ સાથે બિહારી ભીખુબાપુ તથા તેમના દીકરા પરવેઝખાનનો ખાસ આભાર કે તેઓએ પડદા પાછળ રહી આ કાર્યક્રમને સફળ બનાવવા અથાક પરિશ્રમ કર્યો.

ભાઈશ્રી જહાંગીરખાનજી બિહારીનું સંચાલન આંખે વળગે એવું હતું. તેઓ પાસેથી ઘણું શીખવા સમજવા મળ્યું. 

હું પાલનપુર તાબાના તમામ જાજરમાન જાગીરદારોને અભિનંદન આપું છું કે તેઓએ આજેપણ પ્રજાની સાથે સહૃદય સુમેળ જાળવી રાખ્યો છે. તેમજ સામે પ્રજાને ખૂબખૂબ ધન્યવાદ પાઠવું છું કે એમણે પણ વખત આવ્યે તેઓની ખાનદાની કૃતઘ્નતા તથા સમર્પણ જાહેર કર્યું છે.

મોરિયા ખાતે અન્ય જગ્યા મટોરિયાની વીર વાઘેલાનું થાનક પણ છે જે વીર શહીદ સોરમખાનના ઐતિહાસિક પ્રસંગ લખીશું એની સાથે વણી લઈશું.

આ ઐતિહાસિક ઉર્ષ ઉજવણી માં હાજર રહેવા આમંત્રણ આપવા બદલ હું મોરિયા ગ્રામજનોનો આભાર માનું છું. આવા ભવ્ય અવિસ્મરણીય પ્રસંગને નજરે નિહાળી કલમબધ્ધ કરવા બદલ હું મારી પોતાની જાતમાં ધન્યતા અનુભવું છું. આવા વરવા સમયમાં આપણા ભારત દેશને આવા દિલને ટાઢક પહોંચાડનાર પ્રસંગોની તાતી જરૂરત છે. આવા પ્રસંગો બનતા રહે લોકો સમક્ષ પહોંચતા રહે તો આપણા દેશનું સાર્વભૌમત્વ. સંપ. સૌહાર્દ અકબંધ રહે. સૌ કોમો જ્ઞાતિઓમાં ભાઈચારો બની રહે..એવી પરમકૃપાળુ પરમેશ્વર ને કરબધ્ધ પ્રાર્થના સાથે જય હિંદ..

લેખક - મલિક શાહભાઈ દસાડા

૯ મી મે ૨૦૨૪

(લખ્યા તારીખ ૧૧મી મે ૨૦૨૪)

વડગામ તાલુકાના મોરીયા ગામે વિર શહીદ સિંધી સોરમખાનજી ની શહીદીના ૧૦૦ વર્ષ પુર્ણ થતો ઉજવણી કરવામાં આવી.

           

આજ રોજ વડગામ તાલુકાના મોરિયા ગામે શહીદ વિર સિંધી સોરમખાનજી ની શહીદી ના ૧૦૦ વર્ષ પૂર્ણ થતાં ઉજવણી કરવામાં આવી જેમાં મોરિયા ગામના સમસ્ત લોકો દ્વારા આ ઉજવણી ઉત્સવ નું આયોજન કરવામાં આવેલ જેમાં સમસ્ત ગામ અને આસપાસના ગામડા ના સર્વધર્મ સમાજ ના સર્વ લોકો ઉપસ્થિત રહ્યા હતા, 

                આજથી ૧૦૦ વર્ષ પહેલાં મોરિયા ગામે મિરખાંન નું ધાડું પડ્યું હતું તેમાં જંગ થયો હતો ત્યારે ચિત્રાસણી ગામના સિંધી સોરમખાનજીએ શહીદી વ્હોરી હતી જે ધાડ પાડું એ મોરિયા ગામ પર ધાડ પાડી હતી તેઓએ આખા ગામનું રક્ષણ કર્યું હતું , તેઓ પોતાના માટે કે કોઈ અન્ય સ્વાર્થ માટે નહિ પણ પાલનપુર રાજ્ય માટે અને મોરીયાની પ્રજા ના માટે મોરીયા નુ રક્ષણ કરતા શહીદ થયા હતા જેના આજ રોજ ૧૦૦ વર્ષ પૂર્ણ થયા છે.

             આ કાર્યક્રમ કૌમી એકતા નું એક ઉદાહરણ પૂરું પાડેલ છે આ કાર્યક્રમ માં શહીદ શ્રી ના પૌત્ર શ્રી  સિંધી સોરમખાનજી ફતેહખાનજી તેમજ સિંધી ભિખનખાનજી ફતેહખાનજી ચિત્રાસણી થી ઉપસ્થિત રહ્યા હતા તેમજ મોરિયા ની સરહદે આવેલ સુદાશના સ્ટેટ ના ઠાકોર સાહેબશ્રી કિર્તીસિંહજી પણ ઉપસ્થિત રહ્યા હતા. તેમજ શાહનવાઝખાનાજી માલિક ,દસાડા, સરદારખનાજી અમરાપુર, અબાદખાનાજી ચિત્રાસણી, અઝીજઅહેમદખાંજી ડાંગીયા તેમજ આસપાસ ના વિસ્તારના નામી અનામી આગેવાનો, સાહિત્યકારો, કવિઓ, સરપંચો, વિદ્વાનો વગેરે ઉપસ્થિત રહ્યા હતા

               આ કાર્યક્રમ શહીદી ના ૧૦૦ વર્ષ પૂર્ણ થવાની યાદ માં હતો જેનો સંપૂર્ણ આયોજન સમસ્ત મોરીયા ગામ દ્વારા કરવામાં આવેલ છે કે કૌમિ એકતા ની મિશાલ સમાન ગામના તમામ હિન્દુ મુસ્લિમ ભાઈ બહેનો ઉપસ્થિત રહ્યા હતા,  જે સંદર્ભે ઉપસ્થિત મહેમાન શ્રી ઠાકોર સાહેબ શ્રી એ પણ દેશ ની કૌમી એકતા વિશે ખુબજ સારું એવું પ્રવચન આપ્યું હતું તેમજ શ્રી સિંધી ભીખનખાન ફતેહખાન દ્વારા પણ કોમી સારું પ્રવચન આપી શહીદ શ્રી સોરમખાંનજી શહીદી  વિશે  ટુંકી વાત કહી હતી તેમજ આ કાર્યક્રમ અનુરૂપ શહીદી પ્રસંગ વિષે વધુ જાણકારી સિંધી નુરમહંમદખાનજી એ આપેલ.

               આ કાર્યક્રમ અંતર્ગત અને શહીદ વિર સિંધી સોરમખાંનજીની યાદ મા તેમના પરિવાર દ્વારા મોરિયા ગામની પ્રાથમિક શાળા તેમજ ગામમાં આવેલ માતોરિયા વિર અને વાઘેલા વિર ના સ્થાન અને દાન આપેલ અને આ કાર્યક્રમ અંતર્ગત પાલનપુર માવજત હોસ્પિટલ, પાલણપુર તેમજ મોરિયા સિવિલ હોસ્પિટલ માં આરોગ્ય કેમ્પ પણ રાખવામાં આવેલ છે.

       આ કાર્યક્રમ માં ઉપસ્થિત મહેમાનો અને લોકો ને ભોજન પ્રસાદ આપવામાં આવેલ.

       આ કાર્યક્રમ ને સફળ બનાવવા સમસ્ત મોરિયા ગામનો યોગદાન રહેલ.

ડાલવાણા ગામે જાગીરદાર સમાજનો સ્નેહમિલન યોજાયો.

આજ રોજ વડગામ તાલુકા ના ડાલવાણા ગામ જે સરસ્વતિ ના કાંઠે આવેલું ગામ છે જે ગામ કૌમી એકતાનું મિશાલ સ્વરૂપ છે.  એ ગામના વતની બિહારી અમીનખાન મોટામિયા જે આ ગામનાં પ્રતિષ્ઠિત વ્યક્તિ છે જેમનો સરળ સ્વભાવના વ્યક્તિત્વ થી ગામ ની પ્રજા સાથે આખો મુસ્લિમ સમુદાય ને બિન મુંસ્લીમ સાથે સાકર માં દૂધ ભળી જાય એમ ભળી ગયા છે એવી આ ગામની કોમી એકતા જણાઈ આવે છે , અમીંનખાન બિહારી એક સારા સાહિત્યકાર છે. જેઓએ ખૂબ જ સારી કવિતાઓ સ્વરૂપે વિચારો રજૂ કર્યા છે જે નીચે લીંક માં મૂક્યા છે. 

આજનો બિહારી સમાજનો સ્નેહ મિલન કાર્યક્રમ માં સમાજ તેમજ બિહારી સમાજ સાથે સંકળાયેલા સમાજો માં હજ તેમજ ઉમરાહ કરેલા લોકો નું સન્માન કરવામાં આવેલ તેમજ બિહારી સમાજ માંથી સમાજ માટે યોગદાન આપી રહેલા વિશેષ વ્યક્તિઓનું પણ ખાસ સન્માન કરવામાં આવેલ તેમજ આ સમાજમાંથી તાલુકા માં સરપંચ તરીકે ચુંટાઈ આવેલા એવા ચાર (૪) સરપંચોને શાલ તેમજ ફૂલહાર ઓઢાડી  સન્માન પણ કરવામાં આવેલ તેમજ બિહારી સમાજ માંથી સિવિલ ન્યાયાધીશ તરીકે નિમણૂક પામેલા શહેઝાદખાંન બિહારી નું પણ વિશેષ સન્માન કરવામાં આવેલ અને આ ગામના વિવિધ સમાજોના પ્રતિષ્ઠિત લોકોનું સન્માન પણ કરવામાં આવેલ ત્યારે ગામ લોકોએ પણ બિહારી અમીનખાન નું પણ શાલ ઓઢાડી સન્માન કરવામાં આવેલ આ કાર્યક્રમ માં ખુબજ બહોળી સંખ્યામાં ગામ તેમજ સમાજ ના લોકો ઉપસ્થિત રહ્યા હતા.

ડાલવાણા ગામના બિહારી અમીનખાન દ્વારા રચેલ કવિતાઓ...

https://dhandhar.blogspot.com/2020/08/blog-post.html